* चेहऱ्यावरील वांग कसे कमी कराल *

-वंगाळ आधुनिक वैघकीय भाषेत मेलासमा (मेलासमा)म्हणतात .हा आजार ३० ते ६० पर्यंत कोणत्याही वयात स्त्रियांना किंवा पुरुषांना दोघांनाही होऊ शकतो .मात्र स्त्रीयांमध्ये हा आजार जास्त प्रमाणात आढळतो .

  -वांग चे डाग चेहऱ्यावर विविध कारणांमुळे दिसतात .

१.एक तर हार्मोन्स च्या प्रभावामुळे म्हंणूनच गरोदरपणात जिथे हार्मोन्स कमी जास्त होत असतात अशा अवस्थेत हे डाग उमटू शकता .

२.ज्या बायका गर्भनिरोधक गोळ्या घेत असतात त्यांच्यात हि अनेकदा हे डाग दिसू लागतात .

३.पण हल्ली हे डाग पुरुषांमध्ये हि दिसू लागले आहेत .कामानिमित्त पुरुषांना जास्त उन्हात फिरावं लागत .म्हणून उन्हाच्या अतिनील किरणांच्या प्रभावामुळे त्वचेतील रंग पेशी त्वचेच्या संरक्षणासाठी रंग निर्माण करायला लागतात .

४.अनुवांशिकते मुळे सुध्दा वांग निर्माण होऊ शकता .

५.हल्ली जीवनशैलीत परिवर्तन आल्यामुळे वांग कधीही निर्माण होतांना दिसतो .त्याची कारण अशी -सतत ची धावपळ ,अव्यवस्थित आहार ,जागरण इ .अशावेळी संप्रेरक अनियमित काम करायला लागतात व म्हणून वांग निर्माण होतो .

६.अनेक कॉस्मेटिक क्रीम्स आहेत उदा :फेअरनेस  क्रीम्स किंवा फेशिअल -ब्लिच मेकअप चे पदार्थ ज्यामुळे त्वचेवर दुष्परिणाम होऊन वांग निर्माण होऊ शकतो थायरॉईड ग्रंथीच्या आजाराबरोबर वांग दिसू शकतो .

                                       -स्वरूप :

१.वांगचे डाग तपकिरी ते काळे रंगाचे व विविध आकाराचे चट्टे म्हणून चेहऱ्यावर दिसू लागतात .अनेकदा स्त्रियांमध्ये ,पाळीच्या दिवसांमध्ये ते गडद दिसतात आणि इतर दिवसांमध्ये फिकट .अनेक लोक असे हि सांगतात कि उन्हात ज्या दिवशी जास्त फिरणं होत त्या दिवशी डाग गडद दिसतात .

२.हे डाग कपाळावर ,गालावर ,नाकावर ,जबड्यावर ,कानाच्या समोर जो गालाचा भाग आहे तिथे डाग निर्माण होऊ शकतात 

                                                      -उपचार :

१.वांगच्या उपचारामध्ये सर्वात महत्वाचा उपचार म्हणजे उन्हापासून संरक्षण .

२.चेहरा नेहमी स्वच्छ ठेवणे .

३.चेहऱ्यावर विविध क्रीम्स ,पावडर ,साबण ,फेसवाश इतर सौंदर्य प्रसाधने यांचा भडीमार थांबवणे .

४.आहारात भरपूर पालेभाज्या -फळांचा वापर करणे 

५.आवश्यक तेवढे पाणी प्यावे 

६.अनावश्यक रात्रीचे जागरण टाळावे ,शांत झोप घेण्याचा प्रयत्न करावा .

७.ध्यान धारणा -श्वसन -योगासने -नियमित व्यायाम करावा .

८.मंजिष्ठा मधात वाटून त्याचा लेप वांगावर लावावा .

९.जायफळाचा लेप लावावा.

१०.मसूर दुधात वाटून त्यात तूप मिसळून त्याचा लेप लावावा .आयुर्वेद सांगतो असा लेप लावल्याने चेहरा ७ दिवसात कमळाप्रमाणे सुंदर होतो .

११.रक्त चंदन ,लोध्र आणि कोष्ठ यांचा लेप लावावा ..