*कम्प्युटर ,मोबाईल  मुळे डोळ्यांना होणार त्रास आणि काळजी *

१. कॉम्पुटर आणि मोबाईल आपल्या प्रत्येकाच्या आयुष्याचं एक महत्वाचं अंग बनलेलं आहे .आता घराघरात त्याच एक बळकट आणि अबाधित स्थान आहे .हल्ली सगळ्यांचेच डोळे कुठल्या ना कुठल्या स्क्रीनला खिळून असतात .त्यामुळे डोळे आणि  कम्प्युटर त्यांचं नातं समजून घेणं अत्यंत आवश्यक आहे . आजकाल जवळ जवळ सर्वच क्षेत्रातल्या लोकांना कम्प्युटर वर दिवसातले ८-१० तास काम करण्याची सवय झालेली आहे .

२. जास्त कम्प्युटर वापरल्याने डोळ्यांची आग होणे , डोळ्यातून पाणी येणे , डोळे थकणे , डोकं आणि डोळे दुखणे ,डोळे कोरडे पडणे असा अनुभव बऱ्याच लोकांना येतो . यापैकी काही त्रास होत असल्यास डोळ्यांच्या डॉक्टरांना दाखवलं पाहिजे . एकाच अंतरावर बऱ्याच वेळ नजर स्थिर ठेवणे आणि बऱ्याच वेळ डोळ्यांची उघडझाप न होणे हे मुख्य प्रश्न आपल्याला या ठिकाणी सोडवायचे आहेत .

३. आपण जर खुर्चीवर एकाच जागी दिवसातून दहा तास बसून राहिलो तर पायाचे स्नायू तक्रार करतात .पाय अवघडतात आणि दुखायला लागतात .मात्र सलग दहा एके ठिकाणी न बसता आपण जर अधूनमधून उठलो ,थोडे चाललो तर स्नायू अवघडत नाहीत . दुखतही नाहीत .

४. डोळ्यांचंही तसंच आहे .स्क्रीन वर सलग बरेच तास नजर खिळवून ठेवली तर डोळ्यांचे स्नायू अवघडतात . तक्रार करतात डोळे दुखू लागतात . डोळ्यांवर एक प्रकारचा ताण वाटू लागतो . एकाच जागी अनेक तास नजर स्थिर ठेवणे हे डोळ्यांच्या दृष्टीने अतिशय अनैसर्गिक काम आहे .

५. हे टाळण्यासाठी दर २०-३० मिनिटांनी नजर स्क्रीन पासून हटवावी आणि वेगवेगळ्या अंतरावरच्या वस्तू  बघाव्यात . उदा .खिडकी ,लांबच झाड ,भिंतीवरच कॅलेंडर इ . त्यामुळे हालचाल होते आणि ते लवचिक राहतात .

६. स्क्रीनकडे एकटक बघितल्यास डोळ्यांची उघडझाप नेहमीपेक्षा कमी होते .त्यामुळे डोळ्यांच्या पृष्ठभागावरचा अश्रूंचा थर पातळ होतो .त्याने नेहमीपेक्षा जास्त बाष्पीभवन होते .अश्रुंचे एरवीही बाष्पीभवन होत असेल तरी आपल्याला त्रास होत नाही .

७. कारण आपली नियमित एका मिनिटाला १० ते १२ वेळा पापण्यांची उघडझाप  होत असते .प्रत्येक वेळा डोळे बंद करताना ब्रशने रंग पसरावावा त्याचप्रमाणे डोळ्यांवर अश्रूंचा पातळ थर पसरवला जातो .

८. कम्पुटरवर नजर स्थिर राहत असल्यामुळे अश्रूंचा थर पसरवण्याची क्रिया पुरेशी होत नाही आणि डोळे कोरडे पडतात .हे टाळण्यासाठी नियमितपणे डोळ्यांची उघडझाप करणे आवश्यक आहे . तरीही डोळे कोरडे वाटल्यास डॉक्टरांचा सल्ला घ्यावा .