* दात किडण्याची लक्षणे  *

१. बऱ्याच लोकांना त्यांचे दात किडले आहेत हे दात दुखायला लागल्यावर किंवा डेंटिस्टकडे गेल्यावर समजते . दात किती किडले आहेत यावर त्याचे दुखण्याचे प्रमाण  अवलंबुन  असते . काही जणांचे दात किडले तरी दुखत नाहीत . कधी कधी सायन्सप्रमाणे गालाचा भाग किंवा कान  दुखू लागतात . म्हणूनच जाणून घ्या दात किडण्याची

हि १०. लक्षणे :

१. दातांवर पांढरे ठिपके पडणे : 

निरोगी दातांच्या वरच्या थरातील इनॅमल मुळे  दातांचा रंग टीकून राहण्यास मदत होते . दात किडल्यावर या इनॅमलमधील कॅल्शियम निघून जाते आणि दातांवर पांढरे ठिपके पडण्यास सुरुवात होते . हे बऱ्याच जणांच्या लक्षात येत नाही कि आपले दात किडताय . 

२. अन्नकण दातांवर /दातांच्या फटींमधे  अडकणे :

दात कीडनाऱ्या लोकांमध्ये हे लक्षण बऱ्याचदा  दिसून येते . कीड दोन दातांमधील फटींमध्ये पोकळी तयार करते . यामुळे अन्नाचे कण  दातात अडकतात . दातांमध्ये अशी पोकळी असेल तर दात स्वच्छ करतांना फ्लॉस सहजपणे दोन दातांच्या फटींमध्ये फिरतो .

३. ठराविक दातांनी व्यवस्थित चावता  न येणे :

दात किडायला  लागल्यावर दाताच्या आत मधील व आजूबाजूच्या भागात पु तयार होण्यास सुरुवात होते . त्यामुळे घास चावताना या दाताने चावले असता दुखते तर दात किडण्याची लक्षण आहे .

४. अति संवेदनशील दात :

थंड पदार्थ खाल्ल्यानंतर ठणका बसला तर आपल्या दातात पोकळी निर्माण व्हायला सुरुवात झाली आहे असे समजावे . यासाठी वेळेवर उपचार करून त्यात फिलिंग करून घेतले तर आपला दात चांगला राहू शकतो . परंतु तुम्ही गरम पदार्थ खाल्ल्यानंतर जर तुमचा दात ठणकत असेल तर मात्र तुमचा दात पूर्णपणे खराब झाला असे समजावे . यासाठी रूट कॅनाल  करून उपचार करता येतो . 

५. दाताचे तुकडे पडणे :

साधारण कठीण पदार्थ खाताना दाताचे तुकडे पडणे हे दात किडण्याचे लक्षण आहे . दाताचा सर्वात वरचा थर  अगोदर खराब व्हायला सुरुवात होते . त्यामुळे दाताचे तुकडे पडण्यास किंवा त्याला चिरा पडण्यास सुरुवात होते . 

६ .दात काळे पडणे :

बऱ्याचदा लोक दातांना व्हाईटनिंग ट्रीटमेंट घेण्यासाठी डेंटिस्टकडे जातात . दात काळे पडणे हेही दात किडण्याचे लक्षण आहे दाताचा आतला भाग किडण्यास सुरुवात झाली कि , त्याचा वरचा थरही  किडायला  लागतो . हे दोन्ही थर  किडल्यामुळे दात काळसर दिसू लागतात . 

७. तोंडाला दुर्गंधी येणे :

दातात पोकळी असेल तर जेवल्यानंतर अन्नाचे कण  दातात अडकतात . ते पूर्णपणे न निघाल्यामुळे तोंडाला दुर्गंधी येते . 

८. दातांमधून रक्त येणे :

दोन दातांच्या मध्ये पोकळी निर्माण झाल्यानंतर त्या त्या पोकळीमध्ये हिरड्या वाढू लागतात . दात घासताना त्यांना ब्रश लागल्यावर रक्त येऊ लागते .

९. दातांमधील फटी वाढणे :

मागच्या दातांमधील फटी जर जास्त मोठ्या असतील तर कालांतराने पुढच्या दातांमध्येही फटी दिसू लागतात .

१०. हिरड्यांना सूज येणे :

जेव्हा दाताचा आतला भाग किडतो , तेव्हा दाताच्या आजूबाजूचा भागही किडून  तेथे पू तयार होतो . त्यामुळे हिरड्यांना सूज आल्यास तर हि दात किडण्याचे लक्षण आहेत . त्वरित डॉक्टरांचा सल्ला घ्यावा . 

हि अशी आहेत दात किडण्याची लक्षणे